Skip to main content

Perendia na flet shumë herë dhe në shumë mënyra


'Perëndia, mbasi u foli së lashti shumë herë dhe në shumë mënyra etërve me anë të profetëve...'
                                                                                                                                 Hebrenjve 1:1

Ndërsa shikoj librin drejtuar Hebrenjve kujtoj sa herë Perëndia më ka folur dhe në mënyra të ndryshme përgjatë këtyre 27 viteve besimi. Po përmend disa prej tyre si rifreskim:

1.)Përmes besimtarëve të kishës që më folën për Jezusin. Ky ishte kontakti i parë me dashurinë e Perëndisë.

2.)Përmes Biblës. Ende pa e kuptuar lajmin e mirë fillova ta lexoj Biblën dhe Perëndia filloi të më fliste përmes Shkrimeve të Shenjta.

3.)Përmes pastorit. Ende kujtoj predikim e pare që kam dëgjuar para 27 vitesh! Fjala e predikuar është e fuqishme për të prekur zemrat tona.

4.)Përmes këngëve të adhurimit. Sa herë kam dëgjuar inkurajimin e Frymës së Perëndisë përmes muzikës së adhurimit në kishë ose në cd, celular ose media të ndryshme.

5.) Përmes miqve të mi të krishterë. Sa herë më ka inkurajuar Perëndia përmes miqve në kishë, nuk i numëroj dot! Ata janë një thesar i çmuar për mua.

6.) Përmes bekimeve të ndryshme që kam përjetuar. Perëndia lë gjurmët e Tij në bollëkun e të mirave që siguron për ne..të tilla bekime vazhdoj ende t'i shijoj edhe sot që jam rrugës për në Washington!

7.)Përmes Fjalëve të Jezusit në Dhjatën e Re.
Sa herë që kam nevojë për nje 'detox' frymëror  lexoj Fjalët e Jezusit pa ndalim. Më duket sikur Jezusi më flet drejtëpërdrejtë mua...

8.) Përmes Frymës së Shenjtë. Fryma e Shenjtë na flet në njeriun tonë të brendshëm, prek ndërgjegjen tonë dhe na udhëzon në rrugën e duhur. Më ka ndodhur disa herë që një përshpëritje e Tij, një 'po' ose një 'jo' më ka shpëtuar nga budallallëku im dhe nga problemet e ndryshme.

9.)Përmes shërbesave të krishtera dhe librave të tyre. Ngaqë lexoj shumë, librat janë mënyra më e shpeshtë që Zoti përdor për t'më folur dhe nxitur. Libri është kënaqësia ime. Më parë do të rrija me orë të tëra në një librari ose bibliotekë sesa kudo tjetër!

Po ju?
Jam i sigurtë që keni mënyra të tjera sesi Perëndia ju flet. Ndani ato me të tjerë sepse mund t'i nxisni në ecjen e tyre me Zotin....
________________________________________________________________________________
Ju mund te komentoni sesi Perendia ju ka folur ose sesi e degjoni zakonisht Perendine ne ecjen tuaj me Te...
Labels:

Popular posts from this blog

Si të dallojme mësimet e rreme?

  Ne jemi krijesa që ndikohemi shumë nga ajo që na rrethon, qoftë ajo çfarë shikojmë, dëgjojmë ose përjetojmë, Ne ndikohemi nga njerëz të ndryshëm qoftë të afërm ose dhe të panjohur. Ndikohemi nga librat që lexojmë ose nga postime që shikojmë. Pra ne ndikohemi vazhdimisht dhe për këtë ska asnjë dyshim. Por i tërë ky ndikim është vullnetar apo edhe i sforcuar mbi ne? Këtë e vendosim ne duke lejuar ose penguar ndikimet të hyjnë në zemrën tonë.Sepse çdo gjë që hyn në zemrën tonë formon karakterin tonë dhe i jep drejtim jetës sonë. Janë disa paralajmërime që Jezusi jep në lidhje me ndikimet negative nga të cilat duhet të kemi kujdes dhe të ruhemi vazhdimisht. Ato Jezusi i quan ‘maja’ sepse majaja simbolizonte diçka të keqe, që brymos dhe korrupton edhe pse sot nuk e ka më këtë kuptim. Në historinë e Biblës majanë e hasim që në fillesat e festave të Izraelitëve. Majaja u ndalua që në fillim nga Perëndia të përdorej në shtëpinë e Izraelitëve kur ata sapo dolën nga Egjipti. Festa e t...
Read more

Jeteshkrimi qe duhet lexuar: "Jeta Ime" nga Sevasti Qiriazi - Dako

Libri “ Jeta Ime” nga Sevasti Qiriazi – Dako Rrallë herë më ndodh që pasi të kem lexuar një libër të kem një dëshirë të thellë për të shkruar mbi të, thjeshtë si një mirënjohje ndaj autorit për frymëzimin ose ndikimin që lanë tek unë me veprën e tyre. E di që jam shumë vonë për ta bërë këtë në rastin e Sevastisë, duke qenë që ajo nuk rron më, por prapseprap nuk e shtyj dot këtë ndjesi që pata pasi e lexova jetëshkrimin e saj kaq mbresëlënës.   Së pari një falenderim shkon për ata që punuan dhe e përgatitën për botim këtë vepër të rrallë me vlerë të jashtëzakonshme për popullin tonë dhe për çdo atdhedashës sepse materiali në fjalë nuk është vetëm autobiografi por është edhe histori, edhe gjeografi, kulturë, është trashëgimi dhe një vepër që do ta bëj krenar këdo që është shqiptar sepse vepra në fjalë mishëron frymën shqiptare të vërtetë, dashurinë për kombin dhe për atdheun dhe për gjuhën shqipe. Puna e zonjës Dana Stucky dhe grupit të punës që e ndihmoi atë është vër...
Read more

Kujdes çfarë dëgjoni!

Secili prej nesh këto ditë për shkak të karantinës duket se jemi të detyruar në një mënyrë ose tjetër të mendojmë se si do ta përdorim gjithë atë kohë që e kemi në dispozicion. Kjo përfshin shumë njerëz të cilët janë brenda shtëpive të tyre dhe ndoshta nuk e ushtrojnë dot profesionin nga shtëpia. Në po të njëjtin grup janë edhe ata të papunë dhe të rinj që  tani kanë më shumë kohë në dispozicion për të harxhuar. Por çfarë ndodh me njeriun i cili është i mbyllur brenda për një kohë të gjatë. Ai/ajo do të shikojë për mënyra për të dalë jashtë ambientit ku ndodhet. Dhe nëse jeton në një pallat, ku mundësia për pak ajër mund të jetë ballkoni, atëherë ngelet që çdo gjë mediatike mund të na tundoj si një der ë për të dalë jasht ë . Kjo është dalja me e shpejtë nga realiteti dhe celularët, tabletat, televizori dhe kompjuteri duken si mundësitë më të shpejta për k ët ë gj ë. Por në vend që të marrim ajër të pastër ose të pushojmë sytë nga bukuria e krijimit, bota virtuale n...
Read more