Një me Krishtin - një me kishën

“Prandaj njeriu do të lërë babanë e vet dhe nënën e vet dhe do të bashkohet me gruan e vet, dhe të dy do të bëhen një mish i vetëm.Ky mister është i madh; tani unë e them në lidhjen me Krishtin dhe me kishën."
(Efesianëve 5:31-32)

Lidhja e Krishtit me kishën është mister i madh edhe në ditët e sotme. Disa të krishtere akoma nuk e kanë kuptuar këtë mister. Pse e themi këtë? Sepse disa thonë që besojnë tek Krishti por nuk janë fare të lidhur me kishën lokale. Çfarë mund t'i themi një martese ku burri dhe gruaja nuk janë një mish i vetëm, ose ku burri ose gruaja rrijnë me prindërit e tyre dhe nuk bashkohen me njëri tjetrin? Kjo përfundimisht nuk mund të quhet martesë!

Prandaj edhe apostulli Pal thotë që Krishti dhe kisha janë (jo 'duhet te jenë') një mish i vetëm. Të jesh një mish me Jezusin dmth që aty ku është Krishti duhet të jesh edhe ti, nëse thua se je i Tij. Të jesh i lidhur me Krishtin do të thotë të jesh i lidhur me kishën e Tij, sepse Krishti dhe kisha e Tij JANË tashmë një.

A je njësh me kishën tënde lokale? A je aq i lidhur me të ashtu si je me Krishtin? Po, vërtet ky është një mister, por jo për ata që janë bij të Perëndise sepse ata e dijnë se ku e kanë vendin e tyre, tek Shtëpia e Atit, tek kisha e tyre lokale, tek ajo që quhet familja e vërtetë e Perëndisë.

Për ta lidhja me Krishtin është njëlloj si lidhja me kishën sepse Koka dhe Trupi i Krishtit janë një dhe të pandashme, si burri dhe gruaja në një martesë, që duan njëri tjetrin dhe kujdesen për njëri tjetrin ashtu si Perëndia e ka urdhëruar në Fjalën e Tij.

Si të dallojme mësimet e rreme?

Ne jemi krijesa që ndikohemi shumë nga ajo që na rrethon, qoftë ajo çfarë shikojmë, dëgjojmë ose përjetojmë, Ne ndikohemi nga njerëz të ndryshëm qoftë të afërm ose dhe të panjohur. Ndikohemi nga librat që lexojmë ose nga postime që shikojmë. Pra ne ndikohemi vazhdimisht dhe për këtë ska asnjë dyshim. Por i tërë ky ndikim është vullnetar apo edhe i sforcuar mbi ne? Këtë e vendosim ne duke lejuar ose penguar ndikimet të hyjnë në zemrën tonë.Sepse çdo gjë që hyn në zemrën tonë formon karakterin tonë dhe i jep drejtim jetës sonë. Janë disa paralajmërime që Jezusi jep në lidhje me ndikimet negative nga të cilat duhet të kemi kujdes dhe të ruhemi vazhdimisht. Ato Jezusi i quan ‘maja’ sepse majaja simbolizonte diçka të keqe, që brymos dhe korrupton edhe pse sot nuk e ka më këtë kuptim. Në historinë e Biblës majanë e hasim që në fillesat e festave të Izraelitëve. Majaja u ndalua që në fillim nga Perëndia të përdorej në shtëpinë e Izraelitëve kur ata sapo dolën nga Egjipti. Festa e t...

Jeteshkrimi qe duhet lexuar: "Jeta Ime" nga Sevasti Qiriazi - Dako

Libri “ Jeta Ime” nga Sevasti Qiriazi – Dako Rrallë herë më ndodh që pasi të kem lexuar një libër të kem një dëshirë të thellë për të shkruar mbi të, thjeshtë si një mirënjohje ndaj autorit për frymëzimin ose ndikimin që lanë tek unë me veprën e tyre. E di që jam shumë vonë për ta bërë këtë në rastin e Sevastisë, duke qenë që ajo nuk rron më, por prapseprap nuk e shtyj dot këtë ndjesi që pata pasi e lexova jetëshkrimin e saj kaq mbresëlënës. Së pari një falenderim shkon për ata që punuan dhe e përgatitën për botim këtë vepër të rrallë me vlerë të jashtëzakonshme për popullin tonë dhe për çdo atdhedashës sepse materiali në fjalë nuk është vetëm autobiografi por është edhe histori, edhe gjeografi, kulturë, është trashëgimi dhe një vepër që do ta bëj krenar këdo që është shqiptar sepse vepra në fjalë mishëron frymën shqiptare të vërtetë, dashurinë për kombin dhe për atdheun dhe për gjuhën shqipe. Puna e zonjës Dana Stucky dhe grupit të punës që e ndihmoi atë është vër...

Në kërkim të dashurisë

Cili është kërkimi më i rëndësishëm që njeriu duhet të bëj pasi ka rregulluar marrëdhënien e tij me Perëndinë? Kjo është një pyetje me rëndësi të madhe sepse pothuajse e gjithë jeta jonë merr drejtim nga ajo që ne kërkojmë prej saj. Disa njerëz do të më përgjigjeshin kështu: ‘Të kërkosh të mbarosh një shkollë- ky është kërkimi më me rëndësi’. Të tjerë thonë: “Të bësh një shkollë Biblike’. Disa mund të thonë: ‘Të gjesh një punë dhe të blesh një shtëpi’. E të tjerë mund të mendojnë ndonjë gjësend me rëndësi të përkohshme për ta, si një laptop, ose një celular të fundit ose një makinë! Po, ka njerëz të tillë jeta e të cilëve sillet brenda 4 rrotave! Por cila është marrëdhënia më e rëndësishme e njeriut, më e gjata dhe më kuptimplotë me një njeri tjetër? Është martesa! Perëndia ka krijuar martesën si institucionin më të rëndësishëm për njeriun, marrëdhënia nga e cila mund të krijohet një familje e shëndetshme, të përjetohet dash...

Për miqtë e mi

Search This Blog