Skip to main content

Jeto "Sot"


Prandaj, sikurse thotë Fryma e Shenjtë: “Sot, në qoftë se e dëgjoni zërin e Tij, mos i ngurtësoni zemrat...por nxitni njeri tjetrin çdo ditë, derisa thuhet: "Sot," që të mos ngurtësohet ndonjë nga ju prej mashtrimit të mëkatit.
                                                                                                                              Hebrenjve 3: 7-8, 13

Të krishterët e parë dinin më mirë të jetonin në besimin e tyre. Ata kishin një sekret. Dhe ky sekret përkufizohej me fjalën 'sot'.

Brenda këtyre tre shkronjave ata gjenin përmbushjen e tyre. Ata kishin mësuar që Perëndia ka mëshirë të re çdo mëngjes, buka e tyre frymërore ishte diçka 'ditore' dhe jo mujore ose vjetore dhe ata jetonin në ditën e tyre, jetonit të 'sotmen' me Zotin.

Kishin dëgjuar diku që Zoti Jezus u kishte thënë të mos shqetësoheshin për të 'nesërmen' dhe shumë shpejt kishin vendosur të jetojnë vetëm në atë që e quajmë 'sot'.

Po ne? A do të jetojmë 'sot' apo do të jetojmë duke u shqetësuar për të djeshmet tona apo të nesërmet tona?

Perëndia na ka dhënë 365 ditë që mund te jenë 365 të sotshme të bukura duke i pranuar ashtu siç janë. Ato janë çdo ditë një 'sot' dhe vetëm si të tilla mund të shijohen në Zotin.Ti dhe unë jetojmë 'sot' dhe mund ta dëgjojmë Frymën e Perëndisë 'sot' dhe mund të nxisim dikë 'sot'. E nesërmja dhe e djeshmja duhet mbyllur në sirtar dhe e sotmja duhet jetuar me hirin dhe mëshirën ditore të Perëndisë.

Prandaj Bibla të frymëzon duke të thënë: "SOT nëse e dëgjoni zërin e Tij..SOT nxisni njëri tjetrin...SOT mos ngurtësoni zemrat tuaja..."

Unë vendos të jetoj SOT. Shpresoj se do të bëni edhe ju pikërisht të njëjtën gjë!
Labels:

Popular posts from this blog

Si të dallojme mësimet e rreme?

  Ne jemi krijesa që ndikohemi shumë nga ajo që na rrethon, qoftë ajo çfarë shikojmë, dëgjojmë ose përjetojmë, Ne ndikohemi nga njerëz të ndryshëm qoftë të afërm ose dhe të panjohur. Ndikohemi nga librat që lexojmë ose nga postime që shikojmë. Pra ne ndikohemi vazhdimisht dhe për këtë ska asnjë dyshim. Por i tërë ky ndikim është vullnetar apo edhe i sforcuar mbi ne? Këtë e vendosim ne duke lejuar ose penguar ndikimet të hyjnë në zemrën tonë.Sepse çdo gjë që hyn në zemrën tonë formon karakterin tonë dhe i jep drejtim jetës sonë. Janë disa paralajmërime që Jezusi jep në lidhje me ndikimet negative nga të cilat duhet të kemi kujdes dhe të ruhemi vazhdimisht. Ato Jezusi i quan ‘maja’ sepse majaja simbolizonte diçka të keqe, që brymos dhe korrupton edhe pse sot nuk e ka më këtë kuptim. Në historinë e Biblës majanë e hasim që në fillesat e festave të Izraelitëve. Majaja u ndalua që në fillim nga Perëndia të përdorej në shtëpinë e Izraelitëve kur ata sapo dolën nga Egjipti. Festa e t...
Read more

Jeteshkrimi qe duhet lexuar: "Jeta Ime" nga Sevasti Qiriazi - Dako

Libri “ Jeta Ime” nga Sevasti Qiriazi – Dako Rrallë herë më ndodh që pasi të kem lexuar një libër të kem një dëshirë të thellë për të shkruar mbi të, thjeshtë si një mirënjohje ndaj autorit për frymëzimin ose ndikimin që lanë tek unë me veprën e tyre. E di që jam shumë vonë për ta bërë këtë në rastin e Sevastisë, duke qenë që ajo nuk rron më, por prapseprap nuk e shtyj dot këtë ndjesi që pata pasi e lexova jetëshkrimin e saj kaq mbresëlënës.   Së pari një falenderim shkon për ata që punuan dhe e përgatitën për botim këtë vepër të rrallë me vlerë të jashtëzakonshme për popullin tonë dhe për çdo atdhedashës sepse materiali në fjalë nuk është vetëm autobiografi por është edhe histori, edhe gjeografi, kulturë, është trashëgimi dhe një vepër që do ta bëj krenar këdo që është shqiptar sepse vepra në fjalë mishëron frymën shqiptare të vërtetë, dashurinë për kombin dhe për atdheun dhe për gjuhën shqipe. Puna e zonjës Dana Stucky dhe grupit të punës që e ndihmoi atë është vër...
Read more

Kujdes çfarë dëgjoni!

Secili prej nesh këto ditë për shkak të karantinës duket se jemi të detyruar në një mënyrë ose tjetër të mendojmë se si do ta përdorim gjithë atë kohë që e kemi në dispozicion. Kjo përfshin shumë njerëz të cilët janë brenda shtëpive të tyre dhe ndoshta nuk e ushtrojnë dot profesionin nga shtëpia. Në po të njëjtin grup janë edhe ata të papunë dhe të rinj që  tani kanë më shumë kohë në dispozicion për të harxhuar. Por çfarë ndodh me njeriun i cili është i mbyllur brenda për një kohë të gjatë. Ai/ajo do të shikojë për mënyra për të dalë jashtë ambientit ku ndodhet. Dhe nëse jeton në një pallat, ku mundësia për pak ajër mund të jetë ballkoni, atëherë ngelet që çdo gjë mediatike mund të na tundoj si një der ë për të dalë jasht ë . Kjo është dalja me e shpejtë nga realiteti dhe celularët, tabletat, televizori dhe kompjuteri duken si mundësitë më të shpejta për k ët ë gj ë. Por në vend që të marrim ajër të pastër ose të pushojmë sytë nga bukuria e krijimit, bota virtuale n...
Read more